Azərbaycan, Bakı, 17 fevral / müxbir Trend E.Hüseynli / Bu gün günorta saatlarında Azərbaycanın Müdafiə nazirliyinin Hərbi Hava Qüvvələrinə məxsus 29 yanvar 2008-ci il tarixdə qəzaya uğramış MiQ-29 təyyarəsinin qalıqları və pilotların birinin cəseti tapılıb. Bu barədə bazar günü Trend ə Azərbaycanın Müdafiə nazirliyinin mətbuat xidmətinin rəisi Eldar Sabiroğlu xəbər verib.
Qəza nəticəsində, təyyarədə olan hər iki pilot həlak olmuşdur. Hadisə yerinin axtarışına Fövqəladə Hallar Nazirliyindən başqa əlavə iki qurum da cəlb edilmişdir - Dövlət Neft Şirkəti və Dövlət Sərhəd Xidməti.
Azərbaycan keçən il modernizə olunmuş MiQ-29 təyyarələrini ukraynadan almışdır. MiQ-29 təyyarələri Rusiyada istehsal olunur. Rusiyanın təyyarə tikintisi korporasiyası MiQ-in ictimai əlaqələr İdarəsinin rəisi Yelena Lvova əvvəllər Trend -ə qəzanın səbəbinin köhnəlmiş texnikanın satışı və istismarı ola biləcəyini söylmişdir.
Lvova istehsalçıların dəfələrlə təkmilləşdirmə prosesinə MiQ şirkətinin təyyarə hazırlayanını cəlb etmək məsələsini qaldırdıqlarını qeyd edib. "Biz yalnız o zaman hər hansı bir məsuliyyət daşıyırıq",-zavodun nümayəndəsi bildirib.
Sabiroğlu bildirib ki, hal hazırda tapılmış pilotun şəxsiyyəti müəyyən edilir. Onun sözlərinə görə, ikinci pilotun axtarışı aparılır.
Azərbaycan HHQ-nin hava sərhədlərini qorumaq üçün istifadə etdiyi MiQ -29 təyyarələri təlim uçuşları zamanı Rusiya, Malayziya, Peru, Slovakiya və Ermənistanda qəzaya uğrayıb.
MiQ-29 təyyarəsi Rusiya istehsalıdır və 1971-ci ildən istehsal olunur. Təyyarənin uzunluğu 14.8 metr, qanadlarının uzunluğu 11.4 metr, hündürlüyü 4.3 metrdir. Təyyarənin hərbi sursatla birgə çəkisi 15 min 300 kiloqramdır. Maksimal sürət 2400 kilometr/saatdır. Təyyarə maksimum 18 min metr yüksəkliyə qalxa və 2100 kilometr məsafəni qət edə bilir. Onun dəqiqədə 1500 atəş aça bilən 30 millimetrlik QŞ-301 tipli topu var. Təyyarə İR-60 tipli raketlərlə təchiz edilib. MiQ-29 230-240 kilometrdən hava hədəflərini məhv etmək qabiliyyətinə malikdir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
