Azərbaycan, Lənkəran 14 noyabr / Trend , müxbir P.Əliyeva/ Azərbaycanın cənubunda yerləşən Lənkəran rayonunda (paytaxt Bakıdan 270 km məsafədə) il ərzində 14 intihar faktı qeydə alınıb ki, bu da ötən ilin müvafiq dövrü ilə müqayisədə eyni göstəricidir.
"Qeydə alınan intiharların 12-si özünü asma, 2-si isə özünü yandırma faktı olub", - Lənkəran rayonlararası məhkəmə ekspertizası və pataloji anatomiya mərkəzinin direktoru Rafiq Qasımov Trend -a bildirib.
Qasımov deyib ki, intihar edənlərin 9-u kişi, 4-ü qadındır.
Qasımov bildirib ki, rayonda intiharların əsas səbəbləri sırasında ailə münaqişələri, narkomaniya və sosial-iqtisadi durumun çətinliyi yer alır.
Ümumdünya Səhiyyə Təşkilatının məlumatına görə, hər il təxminən 1 milyon adam intihar edir.
Yeri gəlmişkən, dünyada intihar probleminin profilaktikası cəmi 25 faiz həkimlərin üzərinə düşə bilər. Qalan 75 faiz isə qeyri-tibbi məsələlərlə bağlıdır.
Məqalə müəllifi ilə əlaqə ünvanı: [email protected]
