Azərbaycan, Bakı, 07 avqust / Trend , muxbir H.Bağırov /
Bakının Qaradağ rayonunda yaşayış evlərindən birində partlayış baş verib.
Qaradağ Rayon Polis İdarəsindən Trend -a verilən məlumata görə, cümə günü səhər saat 09.00 radələrində rayonun Müşfiqabad qəsəbəsində Vüqar Əliyevə məxsus ümumi sahəsi 80 kvadratmetr olan evdə təmir işləri aparılarkən baş verən partlayış zamanı evi təmir edən, Abşeron rayon sakini, 30 yaşlı Kamal Zeynalov yanıq xəsarəti alıb.
O, 1 saylı Kliniki Tibbi Mərkəzə çatdırılıb.
Partlayış zamanı 2 otağın pəncərə çərçivələri dağılıb.
Faktla bağlı araşdırma aparılır.
Məqalə müəllifi ilə əlaqə ünvanı: [email protected]
