Azərbaycan, Bakı, 19 aprel /Trend, müxbir K.Zərbalıyeva/
Azərbaycanın paytaxtında yaşayış binasında partlayış olub, xəsarət alanlar var.
Fövqəladə Hallar Nazirliyinin internet saytının bazar ertəsi yaydığı məlumata görə, Bakı şəhəri, Suraxanı rayonunda ikimərtəbəli kommunaltipli yaşayış binasının 1-ci mərtəbəsində vətəndaşa məxsus - ümumi sahəsi 50 kv.m olan 3 otaqlı mənzildə otaqların birində partlayış baş verib.
Partlayış zamanı yanğın hadisəsi olmayıb.
Nəticədə, mənzilin otaqlarının arakəsmə divarlarında çatlar əmələ gəlib, ev sahibi və həmin vaxt mənzildə olan daha 4 nəfər müxtəlif dərəcəli xəsarətlər alıb. Yaralılardan 2-si xəstəxanaya aparılıb.
İlkin ehtimala görə, partlayışa məişət qazının sızması səbəb olub. Hadisə ilə əlaqədar müvafiq qurumlar tərəfindən təhqiqat aparılır.