Azərbaycan, Bakı, 14 dekabr /Trend/
Şabran şəhərində qəbirlərin üzərində təhqiredici hərəkətlər etmiş şəxs tutulub.
Daxili İşlər Nazirliyinin mətbuat xidmətinin çərşənbə axşamı yaydığı məlumata görə, Şabran rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində dekabrın 11-də saxlanılan, əvvəllər məhkum olunmuş Arif Əliyev "Xaltan" qəbiristanlığındakı qəbirlərin üzərində təhqiredici hərəkətlər edib.
Onun barəsində cinayət işi başlanıb. Istintaq aparılır.