Azərbaycan, Bakı, 6 yanvar /Trend, müxbir K.Zərbalıyeva/
Qəbələ Radiolokasiya Stansiyasında (RLS) qətlə yetirilən rus zabitinin ölümünü araşdırmaq üçün Rusiya Hərbi Prokurorluğunun istintaq qrupu Azərbaycana gəlib.
Hüquq-mühafizə orqanlarındakı etibarlı mənbə cümə axşamı Trend-ə bildirib ki, RLS Rusiyaya icarəyə verildiyi üçün cinayət işi ilə bağlı istintaqı bu ölkənin prokurorluğu aparır.
Mənbə bildirib ki, yanvarın 1-dən 2-nə keçən gecə Qəbələ RLS-də xidmət edən, Rusiya zabiti Sergey Mixayloviç Qraçov hərbçi yoldaşı tərəfindən qətlə yetirilib.
Məlumata görə, hərbçi yoldaşı yatdığı yerdə Qraçovun başını kəsib. Qətli törədən şəxsin də milliyyətcə rus olduğu bildirilir.
Azərbaycan Hərbi Prokurorluğunun əməkdaşları da hadisə yerində olub.