Azərbaycan, Bakı, 14 mart /Trend, müxbir K.Zərbalıyeva/
Azərbaycanda cəzaçəkmə müəssisəsində iranlı məhkum ölüb.
Xəzər rayon prokurorluğundan Trend-ə verilən məlumata görə, martın 13-də Penitensiar Xidmətin 2 saylı cəzaçəkmə müəssisəsində cəza çəkən İran vətəndaşı Vahidi Xatuni Həbib Əhməd oğlu qəfildən keçinib.
İlkin məlumatlara görə, məhkum ürək tutmasından ölüb.
Ölümün səbəblərini müəyyənləşdirmək üçün məhkəmə-tibb ekspertizası təyin olunub.
Faktla bağlı Xəzər rayon prokurorluğunda araşdırma aparılır.
Vahidi Xatuni Həbib Əhməd oğlu narkotik vasitələrin qanunsuz dövriyyəsində təqsirli bilinərək məhkum olunub.