Azərbaycan, Bakı, 2 iyun /Trend, müxbir İ.İsabalayeva/
Bu ilin yanvar-may ayları ərzində Azərbaycanda 258 qida zəhərlənməsi hadisəsi baş verib. Bunu cümə axşamı Trend-ə Azərbaycan Səhiyyə Nazirliyi Respublika Gigiyena və Epidemiologiya Mərkəzinin qidalanma gigiyenası bölməsinin müdiri İmran Abdullayev deyib.
Onun sözlərinə görə, bu hadisələr nəticəsində 325 nəfər zəhərlənib.
Zəhərlənmə hallarının 17-i botulizm hadisəsidir.
Botulizm nəticəsində 35 nəfər zəhərlənib, onlardan 1-i dünyasını dəyişib.
Abdullayev deyib ki, bu il baş vermiş bütün zəhərlənmə hadisələri yalnız məişət şəraitində hazırlanmış məhsullardan baş verib.
İctimai-iaşə və ticarət müəssisələrinin qidalarından isə zəhərlənən olmayıb.
Ötən il Azərbaycanda 644 qida zəhərlənməsi hadisəsi baş verib. Bu hadisələr nəticəsində 768 nəfər zəhərlənib. Zəhərlənmə nəticəsində 2 nəfər dünyasını dəyişib.