Azərbaycan, Bakı, 10 noyabr /Trend, müxbir E.Mehdiyev/
Azərbaycan ərazisində bayram günləri baş verən yol nəqliyyat hadisələri nəticəsində 21 nəfər ölüb, 70 nəfər isə xəsarət alıb. Bu barədə cümə axşamı Trend-ə Daxili İşlər Nazirliyinin Baş Dövlət Yol Polisi İdarəsinin şöbə rəisi Kamran Əliyev məlumat verib.
Əliyevin sözlərinə görə, noyabrın 6, 7, 8, və 9-u ölkə ərazisində 60 yol nəqliyyat hadisəsi qeydə alınıb.
Şöbə rəisi bildirib ki, ən çox ölümlə nəticələnən ağır yol qəzaları noyabrın 6-sı və 7-də baş verib. Belə ki, noyabrın 6-da yol qəzalarında 7 nəfər, noyabrın 7-də isə 11 nəfər ölüb.