Bakıda zəncirvari yol qəzası olub (FOTO)

Azərbaycan, Bakı, 8 aprel /Trend, müxbir K.Zərbalıyeva/

Bu gün günorta saatlarında Bakıda zəncirvari yol qəzası olub.

Hadisə yerində olan şahidlərin Trend-ə verdiyi məlumata görə, Biləcəri qəsəbəsindən Sumqayıta hərəkət edən 01-AC-482 dövlət nömrə nişanlı KamAZ markalı yük avtomobili idarəetməni itirərək 90-HD-433 dövlət nömrə nişanlı Mercedes-lə toqquşub. Sonradan Kamaz marşrut avtobusu ilə toqquşub, bundan sonra da yolun kənarında dayanmış 10-GP-218 dövlət nömrə nişanlı Renault markalı taksini vurub.

İlkin məlumata görə KamAZ-ın sürücüsü ağır xəsarətlə xəstəxanaya aparılıb. Taksi avtomobili tamamilə yararsız vəziyyətə düşüb. Şahidlərin məlumatına görə, taksinin sürücüsü həmin vaxt avtomobildə olub, amma özü maşından vaxtında çıxa bilib