Azərbaycan, Bakı, 25 iyun /Trend, müxbir E.Mehdiyev/
Bakının Neft daşları ərazisində yanğın baş verib, xəsarət alan var.
Trend-in FHN-nin rəsmi saytına istinadən verdiyi məlumata görə, Xəzər rayonunda Neft daşlarının ərazisində neft-qaz vakuum kompressor qurğusunda yanğın hadisəsi baş verib. Nəticədə, kompressor qurğusu yanaraq deformasiyaya uğramış və qurğuda işləyən bir nəfər xəsarət alıb.
Digər 3 ədəd qurğu yanğınsöndürənlər tərəfindən yanğından mühafizə olunub.
İlkin ehtimal görə, yanğına qurğuda texnoloji prosesin pozulması səbəb olub. Yanğın bu gecə saat 03:20-də yanğınsöndürənlər tərəfindən söndürülüb.
ARDNŞ-dan isə Trend-ə bildiriblər ki, neft-qaz vakuum kompressor qurğusunun bu gün səhər saat 11:00-da fəaliyyəti bərpa edilib.