Azərbaycan, Bakı, 12 sentyabr /Trend, müxbir E.İsmayılov/
Bu gün Bakıda ağır yol qəzası baş verib. Trend-in məlumatına görə, Binə qəsəbəsi ərazisində yanacaq daşıyan yük qatarı "Kamaz" markalı yük maşını ilə toqquşub.
"Azərbaycan Dəmir Yolları" QSC-nin mətbuat katibliyinin rəisi Nadir Əzməmmədov Trend-ə bildirib ki, hadisə dəmiryolunun qorunmayan keçidində baş verib. Dübəndi stansiyasına gedən yanacaq məhsulu daşıyan qatar yük maşınını vurub.
Qəza nəticəsində ölən və yaralanan olmayıb. Ərazidə yol açıqdır.