Azərbaycan, Bakı, 8 noyabr /Trend, müxbir T.Cəfərov/
Bu gün İranın Şərqi Azərbaycan əyalətinin Vərzaqan şəhərində yenidən zəlzələ baş verib. Trend-in məlumatına görə, bu barədə MEHR agentliyi xəbər yayıb.
Zəlzələ Rixter cədvəli üzrə 4,2 bal gücündə və yerli vaxtla saat 13:15-də qeydə alınıb.
Hələlik dağıntılar və xəsarət alanlar barədə məlumat yoxdur.
Qeyd edək ki, noyabrın 7-də də Vərzaqan şəhərində Rixter cədvəli üzrə 5,2 bal gücündə zəlzələ baş vermişdi. Zəlzələ nəticəsində 50 nəfər xəsarət almışdı. Onların əksəriyyəti məktəblilər idi. Yeraltı təkanlar Ərdəbildə 5 bal gücündə hiss olunmuşdu.