İlk xəbər 13:27-də yayılıb
Azərbaycan, Bakı, 19 yanvar /Trend, müxbir İ.İsabalayeva/
Azərbaycanın Şabran rayonunda maşın kanala aşıb.
Trend-in şənbə günü Daxili İşlər Nazirliyinin saytına istinadən verdiyi məlumata görə, rayonun Ağbaş kəndi ərazisində Siyəzən rayon sakini Neman Babayev "VAZ-21074" markalı avtomaşını idarə edərkən onu Samur-Abşeron kanalına aşırıb.
Nəticədə avtomaşında sərnişin qismində gedən Cavid Əmirova xəstəxanada tibbi yardım göstərildikdən sonra buraxılıb.
FHN-in məlumatına görə, avtomobilin sürücüsü 1981-ci il təvəllüdlü Neyman Rasim oğlu Babayevin cəsədi Fövqəladə Hallar Nazirliyinin dalğıc-xilasediciləri tərəfindən sudan tapılaraq çıxarılıb və aidiyyəti üzrə təhvil verilib.
Əməliyyat saat 14:10-da başa çatıb.