Azərbaycan, Bakı, 11 fevral /Trend, müxbir İ.İzzət/
Bakıda avtomobil qəzaya uğrayıb, sürücünün həyat yoldaşı ölüb.
Bakı Şəhər Baş Polis İdarəsindən Trend-ə verilən məlumata görə, fevralın 10-da saat 07:00 radələrində Bakıda Yeni dairəvi yolda Siyəzən rayon sakini Nurəhməd Qasımov idarə etdiyi "Opel" markalı avtomobili maneəyə vurub, nəticədə onun avtomobildə olan həyat yoldaşı Nazirə Qasımova aldığı xəsarətdən hadisə yerində ölüb.
Faktla bağlı Cinayət Məcəlləsinin 263.2-ci maddəsi (Yol hərəkəti və nəqliyyat vasitələrinin istismarı qaydalarını pozma; Eyni əməllər ehtiyatsızlıqdan zərərçəkmiş şəxsin ölümünə səbəb olduqda) ilə cinayət işi başlanıb.