Azərbaycan, Bakı, 17 iyun /Trend, müxbir H.Vəliyev/
Bazar günü saat 22:45 radələrində Bakının Sabunçu rayonunun Zabrat-3 qəsəbəsində partlayış baş verib.
Polis əməkdaşının Trend-ə verdiyi məlumata görə, mərkəzi yolun yaxınlığındakı kafedə qaz balonu partlayıb.
Yanğın hazırda hadisə yerinə gəlmiş Fövqəladə Hallar Nazirliyinin yanğınsöndürənləri tərəfindən söndürülüb.
Partlayış nəticəsində yaranmış yanğın elektrik xətlərinə ziyan vurub, nəticədə qəsəbə sakinləri işıqsız qalıb.
Hazırda elektrik enerjisinin verilməsi bərpa olunub.
Partlayış nəticəsində zərərçəkən yoxdur.
