Azərbaycan, Bakı, 22 iyun /Trend/
Braziliyada hökumət əleyhinə nümayişlər zamanı daha bir nəfər ölüb.
Trend Türkiyənin "Anadolu" agentliyinə istinadən məlumat verir ki, rəsmi mənbələr ölkənin şimalındakı Belem do Para bölgəsində gözyaşardıcı qaz səbəbindən infarkt keçirən 54 yaşında bir qadının öldüyünü bildirirlər.
Daha əvvəl San Pauluda yolun aksiya səbəbindən bağlanılmasına əsəbiləşən bir sürücünün avtomobilini nümayişçilərin üstünə sürməsi nəticəsində 18 yaşında bir gənc həlak olmuşdu.