Azərbaycan, Bakı, 13 yanvar /Trend, müxbir İ.İzzət/
Naxçıvan şəhər sakini könüllü olaraq polisə xeyli silah-sursat təhvil verib.
Trend Daxili İşlər Nazirliyinin (DİN) rəsmi saytına istinadən xəbər verir ki, Naxçıvan şəhər sakini Zahid Əliyev 1 ədəd "TOZ-18", 1 ədəd "TOZ-12", 2 ədəd "AKMS", 1 ədəd snayper, 1 ədəd "Karabin", 1 ədəd pnevmatik tir tüfənglərini, 1 süngü bıçağı, 3 optik nişangahı, 4 avtomat və 2 snayper patron daraqlarını, 1 çanta və 359 ədəd müxtəlif çaplı patronu könüllü olaraq Naxçıvan MR DİN-in Cinayət-Axtarış Şöbəsinə təhvil verib.
Zahid Əliyev bu qədər silah-sursatı tapdığını bildirib.
Faktla bağlı araşdırma aparılır.