Azərbaycan, Bakı, 23 aprel /Trend, müxbir T.Cəfərov/
İranın Şərqi Azərbacyan əyalətinin Miyana şəhərində baş vermiş sel və daşqın iki nəfərin ölümünə səbəb olub.
Trend İran televiziyasının rəsmi xəbər saytına iribnews-a istinadən məlumatına görə, güclü yağış və sel Tehran-Miyana dəmir yolunun su altında qalmasına səbəb olub. Bəzi kəndlərdə 200-dən çox evi su basıb, 300 baş qoyun tələf olub.
Güclü yağış nəticəsində Miyana- Zəncan maqistral yolunda dağ uçqunu olub və sel nəticəsində Miyana - Miyandüab maqistral yolu palçıq toplanıb.