...

Türkiyədə daha bir mədəndə uçqun baş verib (ƏLAVƏ OLUNUB-2)

Hadisə Materials 14 May 2014 16:10
Türkiyənin Zonquldak vilayətində daha bir daş kömür mədənində dağıntı qeydə alınıb.
Türkiyədə daha bir mədəndə uçqun baş verib (ƏLAVƏ OLUNUB-2)

Trend-i buradan izləyin

Azərbaycan, Bakı, 14 may /Trend, müxbir R.Hafizoğlu/

Türkiyənin Zonquldak vilayətində daha bir daş kömür mədənində uçqun qeydə alınıb.

Trend-in "Haber7" telekanalına istinadən verdiyi məlumata görə, hadisə nəticəsində bir nəfər dağıntılar altında qalıb.

Hazırda hadisə yerində xilasedicilər çalışır.

Dağıntılar altında qalan mədənçilərin dəqiq sayı məlum deyil.

Qeyd edək ki, bundan əvvəl Türkiyənin Manisa vilayətinin Soma şəhərində daş kömür mədənində partlayış baş verib. Hadisə nəticəsində ölənlərin sayı 205 nəfərə çatıb.

Faciə ilə əlaqədar Türkiyədə üçgünlük matəm elan olunub.

İlkin ehtimala görə, hadisəyə qısaqapanma səbəb olub, bu da yanğına və partlayışa gətirib çıxarıb. Partlayış yerində xilasetmə işləri aparılır.

Ölənlərin əksəriyyətinin dəm qazından zəhərləndiyi bildirilir.

Türkiyə Statistika İnstitutunun məlumatına görə, son dörd ayda ölkədə iş yerlərində bədbəxt hadisələr nəticəsində 1235 nəfər ölüb, onlardan 103-ü qadındır.

Məqalədə:
Xəbər lenti

Xəbər lenti