Azərbaycan, Bakı, 13 dekabr /Trend/
Qəbələdə orta məktəbin binasında yanğın baş verib.
Trend-in Fövqəladə Hallar Nazirliyinin saytına istinadən verdiyi məlumata görə, Qəbələ rayonu, Tikanlı kəndində (rayon mərkəzindən 9 km aralı) Təhsil Nazirliyinə məxsus ümumi sahəsi 3960 kv.m olan (hər mərtəbəsi 1960 kv.m) ikimərtəbəli kənd orta məktəbinin 1-ci mərtəbəsindəki kitabxanada 1 kv.m sahəyə yığılmış köhnə kitablar yanıb.
Yanğından məktəb binası mühafizə olunub. Yanğın yanğınsöndürənlər tərəfindən söndürülüb.