Azərbaycan, Bakı, 4 fevral /Trend, müxbir İlkin İzzət/
Hacıqabul rayon sakininin həyətindən göyərçinləri oğurlamış şəxs tutulub.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, fevralın 2-də Hacıqabul rayon sakini Əli Mirzəyevin həyətindən 50 göyərçin oğurlanıb.
Hacıqabul rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində şəhər sakini oğurluq əməlini törətmiş Şahmar Babakişiyev tutulub.