Azərbaycan, Bakı, 12 fevral /Trend/
Bakıda çoxmərtəbəli binada yanğın baş verib.
Trend Fövqəladə Hallar Nazirliyinin saytına istinadən məlumat verir ki, Bakı şəhəri, Yasamal rayonunda çoxmərtəbəli yaşayış binasının şaxtadan keçən elektrik kabelləri 100 p.m və 10 ədəd elektrik sayğacı yanıb. Yanğın zamanı yuxarı mərtəbələrdən 10 nəfər sakin yanğınsöndürənlər tərəfindən təxliyə olunub.
Şaxtadan keçən kabellərin qalan hissəsi və mənzillər yanğından mühafizə olunub. Yanğın yanğınsöndürənlər tərəfindən söndürülüb.