Azərbaycan, Bakı, 12 mart /Trend, müxbir İlkin İzzət/
Mingəçevir şəhəri ərazisindən xeyli hərbi sursat tapılıb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, Baş Mühafizə İdarəsinin Mingəçevir Şəhər Şöbəsinin əməkdaşları tərəfindən şəhər ərazisindən 3 ədəd qumbara, 88 ədəd müxtəlif çaplı patron və 4 ədəd patron darağı tapılıb.
Faktla bağlı əməliyyat-istintaq tədbirləri davam etdirilir.