...

Qaçaqmalçılıqda təqsirləndirilən sabiq gömrük əməkdaşlarına hökm oxundu

Hadisə Materials 26 Yanvar 2017 15:19 (UTC +04:00)
Bu gün Bakı Ağır Cinayətlər Məhkəməsində Gömrük Komitəsinin qaçaqmalçılıq və digər cinayətlərdə təqsirləndirilən sabiq əməkdaşlarından ibarət dəstə üzvlərinin cinayət işi üzrə məhkəmə prosesi başa çatıb.
Qaçaqmalçılıqda təqsirləndirilən sabiq gömrük əməkdaşlarına hökm oxundu

Bakı. Samir Əli - Trend:

Bu gün Bakı Ağır Cinayətlər Məhkəməsində Gömrük Komitəsinin qaçaqmalçılıq və digər cinayətlərdə təqsirləndirilən sabiq əməkdaşlarından ibarət dəstə üzvlərinin cinayət işi üzrə məhkəmə prosesi başa çatıb.

Trend-in məlumatına görə, hakim Əhməd Quliyevin sədrlik etdiyi prosesdə təqsirləndirilən şəxslərə hökm oxunub.

Məhkəmənin hökmü ilə Türkmənistan vətəndaşı olan Aman Muhamməd BaylIyev məhkəmə zalından azadlığa buraxılıb. O, 1 il sınaq müddəti təyin edilməklə 6 il şərti cəzaya məhkum edilib. Gömrük Komitəsinin sabiq əməkdaşı Neman Abbasov 9 il müddətinə azadlıqdan məhrum edilib. Zamində olan keçmiş komitə əməkdaşları Adil Kazımov və Muxtar Qasımov isə məhkəmə zalında həbs ediliblər. Onların hər biri 8 il 6 ay müddətinə azadlıqdan məhrum edilib. Komitənin sabiq əməkdaşı Aytəkin Tağıyeva və Ziyafət Qurbanov isə şərti cəzaya məhkum ediliblər. Məhkəmə onların hər birinə 6 il şərti cəza təyin edib.

Qeyd edək ki, təqsirləndirilən şəxslərdən biri - Aman Muhamməd Baylyyev Türkmənistan vətəndaşı, beşi- Neman Abbasov, Adil Kazımov, Aytəkin Tağıyeva Muxtar Qasımov və Ziyafət Qurbanov isə Azərbaycan vətəndaşlarıdır. Azərbaycan vətəndaşlarının 4-ü Dövlət Gömrük Komitəsinin (DGK) sabiq əməkdaşlarıdır. Onlardan yalnız A.Baylyyev və N.Abbasovun barəsində həbs qətimkan tədbiri seçilmişdi. Həmin şəxslər Azərbaycandan Türkmənistana qanunsuz yollarla külli miqdarda qızıl-zinət əşyalarının keçirilməsində təqsirli bilinirlər. Təqsirləndirilən şəxslər Cinayət Məcəlləsinin 312-ci (rüşvət vermə) və 206-cı (qaçaqmalçılıq) maddələri ilə ittiham olunurlar.

Məqalədə:
Xəbər lenti

Xəbər lenti