Bakı. Trend:
Bakı şəhəri, Xətai rayonunda çoxmərtəbəli yaşayış binasının 18-ci mərtəbəsində vətəndaşa məxsus ümumi sahəsi 100 kvadratmetr olan 2 otaqlı mənzilin mətbəxində 1 ədəd kondisioner, televizor və divan-kreslo yanıb.
Trend Fövqəladə Hallar Nazirliyinin saytına istinadla xəbər verir ki, yüksək temperaturdan mətbəxin 1 ədəd plastik pəncərə çərçivəsi 3 kvadratmetr sahədə və hamamın lambirdən ibarət tavanı 6 kvadratmetr sahədə əriyib. 8 bina sakini yanğınsöndürənlər tərəfindən təhlükəsiz əraziyə təxliyyə olunub. Yanğın saat 20:45-də söndürülüb, mənzilin qalan hissəsi yanğından mühafizə olunub.