Bakı. Trend:
Ağcabədi rayonunun Rəncbərlər kəndi ərazisində yol-nəqliyyat hadisəsi baş verib.
DİN-dən Trend-ə Dekabrın 16-da saat 22 radələrində Ağcabədi rayonunun Rəncbərlər kəndi ərazisində Ağdam rayon sakini Şahin Abdullayev idarə etdiyi “VAZ-2107” markalı avtomobili yolun kənarındakı ağaca vurub. Nəticədə Ş.Abdullayev və sərnişinlərindən anası Mətanət və azyaşlı oğlu Rövşən hadisə yerində ölüb, digər 4 sərnişini xəstəxanaya yerləşdiriliblər.
Rayonunun Boyat kəndi ərazisində isə Qaraxanlı kənd sakini Tahir Əliyev idarə etdiyi “VAZ-2106” markalı avtomobili qarşıda gedən Hacılar kənd sakini Rahim Rüstəmovun idarə etdiyi “T-28” markalı traktora vurub, sonradan idarəetməni itirdiyindən qarşıdan gələn Hindarx qəsəbə sakini Etibar Heydərovun idarə etdiyi “VAZ-2107” markalı avtomobilə çırpılıb.
Nəticədə T.Əliyev və sərnişini - həmkəndlisi Namiq Fərzəliyev xəstəxanaya yerləşdirilib, N.Fərzəliyev orada ölüb.
Hər iki faktla bağlı Ağcabədi RPŞ tərəfindən araşdırma aparılır.