İlk xəbər saat 11:04-də yayılıb
Bakı. İlhamə Isabalayeva, Ceyhun Ələkbərov - Trend:
Yasamal rayonunda baş verən yol-nəqliyyat hadisəsində xəsarət alanların kimliyi məlum olub.
Trend-in məlumatına görə, onlar, sürücü 2000-ci il təvəllüdlü Ağamirova Esmira Zöhrab qızı belin əzilməsi, 1969-cu il təvəllüdlü Əliyeva Kəmalə Zakir qızı gicgahın əzilməsi və 1979-cu il təvəllüdlü Qurbanova Səmayə çiyinin əzilməsi diaqnozu ilə 1 saylı Kliniki Tibbi Mərkəzə yerləşdiriliblər.
Qəzanın səbəbləri araşdırılır.
XXX
saat 11:04
Yasamal rayonunda baş verən yol qəzasında 3 qadın xəsarət alıb.
Səhiyyə Nazirliyinin mətbuat xidmətindən Trend-ə verilən məlumata görə, Yasamal rayonunda (Avtomobil bazarının yaxınlığında) baş verən qəzada 19 və 40 yaşlı qadınlar qapalı kəllə-beyin travması, 50 yaşlı qadın isə başın yumşaq toxumalarının əziyi diaqnozu ilə 1 saylı Kliniki Tibbi Mərkəzə çatdırılıblar.
Hazırda onların müayinələri davam edir.