Bakı. Samir Əli - Trend:
Kürdəmir rayonunda yol qəzası baş verib.
Trend-in məlumatına görə, hadisə Bakı-Qazax yolunun 201,1-ci kilometrliyində, Kürdəmir rayonunun Qarabucaq kəndi ərazisindən keçən hissəsində qeydə alınıb.
Gəncə şəhər sakini İsgəndərov Elsevər Müzəffər oğlu idarə etdiyi "DAF" markalı 99 JM 947 dövlət nömrə nişanlı qoşqulu yük maşını ilə hərəkətdə olarkən yolu keçən, rayonun Qarabucaq kənd sakini, 1979-cu il təvəllüdlü Qarayev Nizami Əlqara oğlunu vurub.
Piyada aldığı xəsarətlərdən hadisə yerində dünyasını dəyişib.
Faktla bağlı cinayət işi başlanıb.