Bakı. Ceyhun Ələkbərov - Trend:
Novxanıda boğulan şəxsin cəsədi tapılıb.
Fövqəladə Hallar Nazirliyindən Trend-ə verilən məlumata görə, Novxanıda qeyri-çimərlik ərazisində boğulan şəxsin cəsədi FHN-in dalğıc axtarış qrupu tərəfindən tapılaraq aidiyyət üzrə təhvil verilib.
X X X
15:51
Novxanıda Xəzər dənizində boğulma hadisəsi olub.
Trend-in məlumatına görə, hadisə bu gün baş verib. Şahidlərin sözlərinə görə, "Diana" istrahət mərkəzinin ərazisində çimərliklə olan 3 nəfər su da batıb, onlardan 2-si xilas edilsə də, digərinin tapmaq mümkün olmayıb.
Fövqəladə Hallar Nazirliyinin mətbuat xidmətinin rəhbəri Gülçin Mehdiyeva Trend-ə açıqlamasında bildirib ki, Abşeron rayonunun Novxanı kəndində, dənizdə (nəzarətsiz ərazidə) 1 nəfər (şəxsiyyəti dəqiqləşdirilir) batıb. Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub:
"Fövqəladə Hallar Nazirliyi bir daha vətəndaşlara qabaqcadan müəyyən edilmiş çimərlik ərazilərində istirahət etməyi və təhlükəsizlik tədbirlərinə əməl etməyi tövsiyə edir".