Bakı. Trend:
ABŞ-ın şərq sahillərində qar yağması nəticəsində meydana gələn yol qəzalarında qurbanların sayı yeddi nəfərə çatıb.
Trend-in TASS-a istinadən verdiyi məlumata görə, bundan əvvəl Nyu-York və Pensilvaniya əyalətlərinin dörd sakininin ölümü barədə məlumat verilib.
Şərq sahil ştatlarının səlahiyyətliləri yüzlərlə yol qəzası barədə məlumat verir. Nyu-York qubernatoru Endryu Kuomo təxminən 600 qəzanın baş verdiyini söyləyib.
Bölgələrdə fövqəladə vəziyyət tətbiq edilir, məktəblərdə dərslər dayandırılıb və qarın təmizlənməsinə mane olmamaq üçün şəxsi nəqliyyat vasitələrinin hərəkətini məhdudlaşdırılır.