Bakı. Trend:
İtaliyanın Marmolada buzlaqının uçması nəticəsində ən azı 15 nəfər itkin düşmüş hesab olunur.
Trend-in məlumatına görə, bu barədə "ANSA" agentliyi faciə zamanı dağda olan turistlərin sayını dəqiqləşdirən xilasedicilərə istinadən bildirib.
Məlumata əsasən, dayanacaqda 16 avtomobilin qaldığını öyrənmək mümkün olub. Onların sahiblərinin şəxsiyyəti polis tərəfindən müəyyən edilir.
Daha əvvəl altı nəfərin öldüyü, 8 nəfərin yaralandığı barədə məlumat verilib. İtaliyanın baş naziri Mario Draqi həlak olanların ailələrinə başsağlığı verib.