Bakı. Trend:
Sumqayıtda azyaşlının ölümü ilə nəticələnən yol qəzası baş verib.
Trend-in məlumatına görə, Sumqayıt şəhər sakini, 1970-ci il təvəllüdlü Nabatalıyev Sübhi Nabatalı oğlu Sumqayıt şəhəri, Ceyranbatan bağları, “Beton zavod" adlanan ərazidə idarə etdiyi “BMW” markalı avtomobillə məhəllə arası küçədə arxaya doğru hərəkət edərkən ehtiyatsızlıqdan 2021-ci il təvəllüdlü Zamanova Xəyalə Dövran qızını vurub, nəticədə Xəyalə Zamanova aldığı xəsarətlərdən hadisə yerində ölüb.
Faktla bağlı Sumqayıt şəhər polis idarəsinin İstintaq şöbəsində Azərbaycan Respublikası CM-nin 263.2-ci maddəsi ilə cinayət işi başlanaraq ibtidai istintaqı aparılır.