Azərbaycan, Bakı, 19 fevral /Trend/
ABŞ-ın sabiq prezidenti Con Kennedinin xüsusi hazırlanmış yay gödəkcəsi 665 min dollara satılıb. Trend-in İnterfaksa istinadən yaydığı məlumatda bildirilir ki, gödəkcənin auksionda ilkin qiyməti 20 mindən 40 min dollara qədər müəyyənləşdirilib.
Məlumatda bildirilir ki, gödəkcənin alınması üçün auksion 6 saatdan çox davam edib.
Bu auksionda ABŞ-ın sabiq prezidentinə aid müxtəlif əşyalarla bağlı təxminən 700 lotto təqdim edilib.
Auksionu Kennedinin xüsusi köməkçisi Devid Pauerin ailəsi təşkil edib.