Azərbaycan, Bakı, 27 may /Trend/
Ermənistan silahlı qüvvələrinin bölmələri mayın 26-da saat 08.45-dən 08.55-dək Ermənistanın İcevan rayonunun Paravakar kəndində yerləşən mövqelərdən Ağstafa rayonunun Köhnə Qışlaq kəndində yerləşən mövqelərimizi, saat 08.50-dən 08.55-dək İcevan rayonunun Berkaber kəndində yerləşən mövqelərdən Qazax rayonunun Qızıl Hacılı kəndində yerləşən mövqelərimizi, mayın 27-də saat 01.45-dən 02.05-dək və 02.40-dan 02.55-dək Tərtər rayonunun Çiləbürt və Çaylı kəndləri yaxınlığında yerləşən mövqelərdən Azərbaycan silahlı qüvvələrinin üzbəüz mövqelərini avtomat və pulemyotlardan atəşə tutublar. Bu barədə Azərbaycan Respublikası Müdafiə Nazirliyinin mətbuat xidməti məlumat verib.
Bütün hallarda düşmən cavab atəşi ilə susdurulub. İtki yoxdur.