...

Ermənistan Prezidenti ATƏT-in Minsk qrupu ilə Dağlıq Qarabağ münaqişəsinin nizamlanmasını müzakirə edib

Ermənistan-Azərbaycan münaqişəsi Materials 18 İyul 2011 16:19 (UTC +04:00)
Görüş iştirakçıları Dağlıq Qarabağ münaqişəsinin nizamlanması üzrə danışıqlar prosesinin indiki mərhələsi ilə bağlı məsələləri müzakirə ediblər
Ermənistan Prezidenti ATƏT-in Minsk qrupu ilə Dağlıq Qarabağ münaqişəsinin nizamlanmasını müzakirə edib

Trend-i buradan izləyin

Azərbaycan, Bakı, 18 iyul /Trend/

Ermənistan Prezidenti Serj Sarkisyan bazar ertəsi Yerevanda səfərdə olan Dağlıq Qarabağ münaqişəsinin nizamlanması üzrə ATƏT-in Minsk qrupunun həmsədrləri İqor Popov (RF), Robert Bradtke (ABŞ), Bernar Fasye (Fransa) və ATƏT-in fəaliyyətdə olan sədrinin şəxsi nümayəndəsi Anji Kaspşiki qəbul edib. Trend-in məlumatına görə, bu barədə Ermənistan dövlət başçısının mətbuat xidməti xəbər verir.

"Görüş iştirakçıları Dağlıq Qarabağ münaqişəsinin nizamlanması üzrə danışıqlar prosesinin indiki mərhələsi ilə bağlı məsələləri müzakirə ediblər", - məlumatda deyilir.

İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.

BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.

Xəbər lenti

Xəbər lenti