Azərbaycan, Bakı, 29 aprel /Trend, müxbir A.Tağıyeva/
Azərbaycan xarici işlər nazirinin müavini Araz Əzimov aprelin 30-da Ankaraya səfər edəcək. Bu barədə Trend Türkiyə Xarici İşlər Nazirliyinin rəsmi saytına istinadən məlumat verir.
O, səfər çərçivəsində Türkiyə XİN rəhbərinin köməkçisi Fatih Ceylanla görüşəcək. Görüşdə ikitərəfli münasibətlər, həmçinin Dağlıq Qarabağ problemi ilə bağlı vəziyyətin inkişafı müzakirə olunacaq.
Əzimov Türkiyə XİN rəhbərinin müavini Firudin Sinirlioğlu ilə də görüşəcək.
