Bakı. Rufiz Hafizoğlu - Trend:
Türkiyə Prezidenti Rəcəb Tayyib Ərdoğan Dağlıq Qarabağ məsələsində Azərbaycana dəstəyini bəyan edib.
Trend-in "TRT Haber" telekanalına istinadən verdiyi məlumata görə, bunu dövlət başçısı İstanbulda İslam Əməkdaşlıq Təşkilatının XIII Sammitinin bağlanış mərasimində bəyan edib.
Bununla yanaşı, R.T.Ərdoğan ATƏT-in Minsk qrupunun bu münaqişəni indiyədək nəyə görə nizamlamadığını anlaya bilmədiyini vurğulayıb.
Qeyd edək ki, ötən gün İstanbulda İslam Əməkdaşlıq Təşkilatının XIII Sammiti başlayıb. 57 dövlət İslam Əməkdaşlıq Təşkilatının üzvüdür.