Azərbaycan, Bərdə / Trend , müxbir Ş.Cəliloğlu/ Son 13 il ərzində ABŞ Azərbaycanın məcburi köçkünlərinin şəraitini yaxşılaşdırılması üçün 325 milyon dollarlıq humanitar yardım göstərib. Bu barədə cümə axşamı Ağcabədi rayonunda səfərdə olan ABŞ-ın Azərbaycandakı səfiri Enn Dersi açıqlama verib.
Ağcabədi rayonunda 35 mindən çox məcburi köçkün məskunlaşıb.
Səfir Dersi Ağcabədi rayonunun icra başçısı Şahin Məmmədovla görüşündə bildirib ki, köçkünlər torpaqlarına qayıtmalıdırlar: "Bu insanların vəziyyəti ağır və acınacaqlıdır".
Ermənistan Azərbaycan ərazisinin 20 faizini - Dağlıq Qarabağı və ətrafındakı yeddi rayonu işğal edib. Bu ərazilər 1992-ci ildən indiyədək erməni silahlı qüvvələrinin işğalı altındadır. 1994-cü ildə Ermənistanla Azərbaycan arasında atəşkəs haqqında razılıq əldə olunub və indiyədək də tərəflər arasında sülh danışıqları davam etdirilir.