Azərbaycan, Bakı, 19 fevral/ Trend , müxbir A.Bədəlova/ Venesuelanın ABŞ neft ixracını dayandırması ölkələr arasında neft ticarətini poza bilməyəcək. Bu barədə Trend -a JP Morgan Chase Bank - ın analitiki Kristi Cons (Kristi Jones) məlumat verib.
"Venesuelanın ABŞ-a neft ixracını dayandırmasının bu ölkələr arasında neft ticarətini pozması ehtimalı azdır. Venesuelanın ABŞ-a ixracı ölkənin bütün ticarətinin payıdır", - o bildirib.
Venesuelanın Dövlət Neft Şirkəti Petroleos de Venezuela (PDVSA) ötən həftə Amerikanın ən iri neft şirkəti ExxonMobil-ə xammal satışını dayandırdığını elan edib. Bu hərəkət Venesuelanın təqribən $12 mlrd.-lıq xarici aktivlərinin donundurulmasına cavab olub.
Analitikin sözlərinə görə, ABŞ-a neft ixracının dayandırılmasından Venesuelanın özü daha çox zərər çəkəcək. "ABŞ-a ixracın, xüsusilə də uzun müddətə dayandırılması ABŞ emalçılarından daha çox PDVSA üçün dağıdıcı olacaq", - analitik bildirib.
"İndi Venesuealın ixrac etdiyi neft daha çox ABŞ-ın payına düşür", - analitik bildirib. Venesuela ABŞ-a neft ixracı həcmi üzrə dördüncü yeri tutur. Hər gün Venesueladan Amerikaya 1,5 mln. barel neft tədarük edilir. Neft PDVSA-nın qismən ExxonMobil-ə məxsus olan müəssisələrində emal edilir.
Analitikin sözlərinə görə, Venesuela nefti ən ağır neftdir və intensiv emal tələb edir. Venesuela neftini emal edə bilən NEZ-in əksəriyyəti ABŞ-da yerləşir, beşi isə PDVSA-nın törəmə şirkəti Citgo-ya məxsusdur.
2007-ci ilin yanvarında Venesuela prezidenti Uqo Çaves Orinoko çayı hövzəsində neft yataqlarının milliləşdirilməsi haqqında dekret imzalayıb. Sənədə əsasən, əcnəbi şirkətlər 2008-ci il mayın 1-dək neft hasilatı üzrə layihələrdəki paylarını, 60 faizdən az olmayaraq, PDVSA milli neft şirkətinə satmalıdırlar. ExxonMobil Çavesin şərtləri ilə razılaşmayıb və Venesueladakı layihələrinin bir hissəsi üzərində nəzarəti itirib.