...

Iran İraqda sabitliyin bərpası uğrunda böyük rol oynaya bilər - Trendin eksperti

Siyasət Materials 19 Fevral 2008 19:14 (UTC +04:00)

Azərbaycan, Bakı, 19 fevral / Trend , müxbir D.Xatınoğlu/ İran oz təsiri altında olan müəyyən iraql? qüvvələrinin aktiv fəaliyyətini dondurub, Iraq?n şimalında yerləşən kürd separatçıları və əl - Qaidə təşkilatının fəaliyyətinə mane olmaqla, bu ölkənin təhlükəsizliyinin təminində nə dərəcədə böyük rol oynad?g?n? gostərib.

İran prezidenti Mahmud Əhmədinejad martın 2-də İraqa səfər edəcək. İranın İRNA Agentliyinin fevralın 18-də yaydığı məlumatına əsasən, səfərdə iki ölkə arasında siyasi-iqtisadi münasibətlərin inkişafı və İraqın təhlükəsizliyi ilə bağlı iki ölkə arasında müzakirələr aparılacaq.

İraqın XİN sözçüsü Əli əl-Dəbbağ bazar günü "Əlaləm" telekanalına müsahibəsində ABŞ -İran arasında İraqın təhlükəsizliyinə dair keçirilən müzakirələrin nəticəsini nisbi olaraq müsbət dəyərləndirib və bu müzakirələrin davamı olacağına ümid etdiyini bildirib.

İranın nüfuzu altında olan "Ceyş əl-Mehdi" təşkilatının sədri Müqtəda əl-Sədr keçən ilin may ayında öz fəaliyyətini dayandırmaqla, Amerikaya önəmli bir mesaj verdi:"İran İraqın sabitliyində böyük rol oynayır". İraqda ən böyük radikal təşkilatın sədri olan Əl-Sədrin indiyədək fəaliyyətini dayandırması Amerikanı İranın regionda necə böyük nüfuza malik olduğuna bir daha inandırdı və qarşılıqlı güzəştlə İranın 5 diplomatını və İraqda həbsdə olan bəzi şəxslərini azadlığa buraxdı. Belə çıxır ki, iki ölkənin İraq məsələsi üzrə mübadiləsi mümkün məsələ idi.

Lakin yüksək səviyyədə müzakirələr və imtiyazlar hər iki ölkənin maraqlarına ziddir və hər iki tərəf bundan boyun qaçırır. İran İraqdakı qüvvələrə və sərhədlərə nəzarət etməklə, Amerikaya, Amerika isə İrana sanksiyaların tətbiqi ilə təzyiq göstərir.

İran artıq 3-cü dəfədir ki, İraq məsələsi üzrə ABŞ-la müzakirəni birtərəfli qaydada ləğv edir. İraq XİN sədri Huşyar Zibari fevralın 15 - də İranın növbəti dəfə müzakirədən boyun qaçırmasını elan etdi. Bu addım rəsmi Tehranın müttəfiqi olan Livan vətəndaşı İmad Müğniyyənin Suriyada terror nəticəsində qətlə yetirilməsi və ABŞ rəsmilərinin bu terroru uğur kimi qiymətləndirmələri ucbatından atılıb. "Hizbullah" təşkilatının bu matəmi lə bağlı olaraq, İran ABŞ-la müzakirə aparmağı məğbul hesab etmədi. Növbəti müzakirələrsə, iki ölkənin rəsmiləri arasında deyil, ekspertləri arasında keçiriləcəkdi.

İran prezidentinin İraqa səfərində Bağdad-Tehran hakimiyyəti arasında olan mübahisələr barədə, xüsusilə İraqın BMT Təhlükəsizlik Şürasının 598-ci Qətnaməsinə əsasən (1988-ci il), İrana təzminat ödəməkdən hələ də boyun qaçırması, 1975-ci ildə iki ölkə arasında bağlanmış Əlcəzair müqaviləsilə bağlı mübahisələr və s. müzakirə olunmayacaq və əsas məsələ İraqın təhlükəsizliyinin təmin olunmasında İranın rolunu müzakirə etməkdir.

Xəbər lenti

Xəbər lenti