Azərbaycan, Bakı, 17 aprel / Trend , müxbir S.Ağayeva/ Azərbaycan və Bolqarıstanın Xarici İşlər nazirlikləri əməkdaşlığa dair Memorandum imzalamağı planlaşdırır. Sənədin Azərbaycanın XİN başçısı Elmar Məmmədyarovun cümə axşamı Bolqarıstana başlanan rəsmi səfəri zamanı imzalanması planlaşdırılır. Bu barədə Azərbaycanın bu ölkədəki səfirliyindən məlumat verilib.
Səfər Bolqarıstanın xarici işlər naziri İvaylo Kalfinanın dəvəti ilə həyata keçirilir. Azərbaycan və Bolqarıstan arasında enerji tərəfdaşlığı, iqtisadi əməkdaşlıq və ikitərəfli ticarətin inkişafı danışıqların əsas mövzusunu təşkil edəcək.
Tərəflər həmçinin investisiya siyasəti və turizmin stimullaşdırlıması, o cümlədən mədəni əlaqələrin dərinləşdirilməsi üzrə əməkdaşlıq məsələlərini nəzərdən keçirəcəklər.
Məmmədyarov Bolqarıstan XİN-in rəhbəri Kalfina və prezident Georgi Pırvanov, parlament spikeri Georgi Pirinski və Baş nazir Sergey Stanişevlə danışıqlar aparacaq.
Müəlliflə əlaqə saxlamaq üçün elektron ünvan :
