Türkiyə, Ankara, 16 iyun / Trend , müxbir T.Əliyev/ їErməni məsələsiї ilə bağlı araşdırmalar aparmaq, ermənilərin soyqırım iddialarının qondarma olduğunu və bu məsələlərlə bağlı əsl həqiqəti dünyaya çatdırmaq məqsədi ilə yaradılan Azərbaycan Türkiyə Tarixi Araşdırmalar Fondunun (ATAF) Ankarada keçirilən ilk toplantısında qurumun strategiyası müəyyən edilib.
Fondun təsis edilməsində aparıcı rol oynayan Azərbaycan Türkiyə İş Adamları Birliyinin sədri Əhməd Erentok, Ankarada təşkil edilən mətbuat konfransında iclasın yekunları ilə bağlı məlumat verib. O, bildirib ki, ATAF-ın yaradılması ilə 100 ilə yaxın davam edən erməni məsələsi ilə bağlı əsl həqiqətləri ortaya çıxarmaq, Türk tarixini dünyaya çatdırmağa çalışacaqlar. Xaricdəki diasporun imkanlarından istifadə edilməsi məsələsində ən böyük qüsuslardan birinin diaspor nümayəndələrinin özlərinin bir çox hallarda tarixlə bağlı məlumatsız olduğunu qeyd edən Erentok, ilk işlərdən biri kimi müəyyən kitabçalar və vəsaitlər hazırlayaraq, onlara paylanması olduğunu bildirib. Bütün bu işlərin їMəcburi addımlar konsepsiyasıї adlandırılan proqram çərçivəsində görülmısi nəzərdə tutulur.
Əhməd Erentok qeyd edib ki, ATAF Avropa ölkələri, Rusiya və ABŞ-da təşkilatlanacaq, həmin ölkələrdə fəaliyyət göstərəcək nümayəndəliklər yerli universitetlər, arxivlər, elmi qurumlarla sıx əməkdaşlıq edəcəklər.
Türk Tarix Qurumunun sədri Yusuf Halaçoğlu isə bildirib ki, tarixi həqiqətlərin ortaya çıxarılmasında alimlər indiyə qədər də ciddi işlər görüblər, lakin əldə edilən nəticələrin dünyaya çatdırılmasında çətinliklər olub. Onun sözlərinə görə, ATAF-da iş adamlarının fəal iştirakı bu problemi aradan qaldıracaq.
