Azərbaycan, Bakı, 30 iyun/ Trend / Azərbaycan prezidenti İlham Əliyev bazar ertəsi Qlobal Ekologiya Fondunun icraçı direktoru xanım Monik Barbünü qəbul edib.
Görüşdə ölkəmizdə ekologiya sahəsində iri miqyaslı proqramların uğurla icra olunduğu bildirilib, ekologiya ilə bağlı məsələlərin kompleks şəkildə həlli istiqamətində gələcəkdə geniş planların həyata keçiriləcəyi qeyd olunub.
Söhbət zamanı Qlobal Ekologiya Fondu ilə ölkəmizin müvafiq strukturları arasında əməkdaşlığın əhəmiyyəti də vurğulanıb.