Azərbaycan, Bakı, 18 avqust/ Trend , müxbir İ.Xəlilova/ Azersun Holding Gürcüstan, Dağıstan və Türkmənistana karton məmulatlarının ixracına başlayır ki, bu da Bakı Karton Fabrikinin ("Karton-tara" ASC) istehsal gücünün 25 mln. kvadratmetrədək artırılması nəticəsində mümkün olub,- bazar ertəsi Holdinqdən bildiriblər. 2008 - ci ildə iki yeni istehsal xəttinin tikintisi müəssisənin istehsal potensialını artırmağa imkan verib.
Bakı Karton Fabriki 1977- ci ildə fəaliyyətə başlasa da, 1996 - cı ildə Azersun Holding-in sərmayələri hesabına fəaliyyətini bərpa edib. Hazırki gündə o, ölkənin müxtəlif çeşiddə karton məmulatlarına olan tələbatını tam ödəyir.
Məhsul istehsalı üçün xammal (karton və kağız məmulatlar) Türkiyə və Rusiyadan alınır. Yeni istehsal xətti aylıq büzməli karton istehsalını 6 mln. kvadrat metrədək artırmağa imkan verib. Əvvəllər isə 3,5 mln. kvadrat metr büzməli karton və qutu istehsal edilib. Fabrikdə yumurta üçün tara da istehsal olunur - ayda 240 min karton məmulatı. Avadanlığın yenilənməsi yolu ilə istehsal gücünü saatda yumurta qablaşdırılması üçün 4 min məmulata çatdırmaq planlaşdırılır.
İkinci yeni istehsal xətti (12 min ədəd/saat) dördrəngli qutular istehsal etməyə imkan verir.
Avqustun 18-nə olan cari məzənnə -- 0,8146 AZN/USD.
Müəlliflə əlaqə saxlamaq üçün elektron ünvan: [email protected]
