...

Tacikistanda qadın parlamentarilərin beynəlxalq konfransı keçiriləcək

Siyasət Materials 1 Sentyabr 2008 16:22 (UTC +04:00)

Azərbaycan, Bakı, 01 sentyabr / Trend , müxbir İ.Əlizadə/ Mərkəzi Asiyada yaşayan qadınların problemləri Tacikistanın paytaxtı Düşənbədə keçiriləcək qadın parlamentarilərin beynəlxalq konfransında müzakirə olunacaq.

"Konfransda qadın parlamentarilərin cəmiyyətin problemlərinin həll edilməsində rolu müzakirə olunacaq" - bazar ertəsi Trend -a deputat Jalə Əliyeva bildirib.

Onun sözlərinə görə, konfrans sentyabrın 2 - 4 - də keçiriləcək. Tədbirdə beynəlxalq təşkilatların, o cümlədən BMT-nin müxtəlif strukturlarının nümayəndələri iştirak edəcəklər.

Konfransda qadınların maraqları baxımından yaradılan qanunvericilik və sosial siyasət, qadınların və qızların təhsili, reproduktiv sağlamlıq və ailənin planlaşdırılmasının əhəmiyyəti və gender büdcəsi məsələləri müzakirə olunacaq.

"Konfransın əhəmiyyəti böyükdür və qadınların problemlərinin həllində rol oynayacaq" - deputat əlavə edib.

Azərbaycanı tədbirdə deputatlar Jalə Əliyeva və Həvva Məmmədova təmsil edəcəklər.

Məqalə müəllifi ilə əlaqə ünvanı: [email protected]

Xəbər lenti

Xəbər lenti