Azərbaycan, Bakı, 29 sentyabr/ Trend / Livanın Tripoli şəhərində baş verən partlayış nəticəsində ölən və yaralananlar arasında Azərbaycan vətəndaşı yoxdur. Bu barədə bazar ertəsi Beyrutdan telefonla Trend - a Azərbaycanın Livandakı konsulu Nazih Qassub məlumat verib.
"Zərərçəkənlər arasında azərbaycanlıların olmasına dair informasiya daxil omayıb. Ölənlərin dördü Livan ordusunun əsgərləri, yaralanan bir nəfər isə Livan vətəndaşıdır", - deyə o bildirib.
Partlayış bazar ertəsi səhər Tripolidə baş verib. Minalanmış avtomobil hərbçilərin avtobusu ilə toqquşub. Nəticədə dörd hərbçi həlak olub, 29 nəfər yaralanıb.
Məqalə müəllifi ilə əlaqə ünvanı - [email protected]
