Azərbaycan, Bakı, 27 oktyabr/ Trend , müxbir N.Abdullayeva/ Romada Azərbaycanın iqtisadi imkanları müzakirə ediləcək. Müzakirələr noyabrın 7-8-də İtaliyanın paytaxtında baş tutacaq. Bu günlərdə Romada "Country Presentation" iqtisadi forumu keçiriləcək, forumda Zaqafqaziya ölkələri ilə yanaşı, Azərbaycanda iştirak edəcək, - İtaliyanın Azərbaycandakı səfirliyindən bazar ertəsi bildiriblər. Forumda Azərbaycanın iqtisadi inkişaf naziri Heydər Babayevin iştirakı gözlənilir.
Regionların maraqlarını əhatə edən siyasi və iqtisadi məsələlər, ticarət mexanizminin yaxşılaşdırılmasının problemləri, iqtisadi inkişaf perspektivləri, qarşılıqlı sərmayələrin yatırılması müzakirə ediləcək. Romada Azərbaycan və İtaliyanın işgüzar insanlarının iştirakı ilə biznes-forum da keçiriləcək. 2008-ci ilin səkkiz ayı ərzində iki ölkə arasında mal dövriyyəsi 15,56 mlrd. dollar təşkil edib, -Azərbaycanın Dövlət Statistika Komitəsindən bildiriblər.
Müəlliflə əlaqə saxlamaq üçün elektron ünvan: [email protected]
