Azərbaycan, Bakı, 27 noyabr/ Trend , müxbir N.Abdullayeva/ Gürcüstan, Azərbaycan, Ukrayna və Moldovanın xarici işlər nazirləri Helsinkidə "Demokartiya və iqtisadi inkişaf uğrunda təşkilat - GUAM"a üzv ölkələrin ərazilərindəki "uzanmış münaqişələri" müzakirə edəcəklər.
GUAM-ın Xarici İşlər Nazirləri Şurası ATƏT XİN rəhbərlərinin dekabrın 4 - 5-də Finlandiyanın paytaxtında keçiriləcək illik iclasında iştirak çərçivəsində toplaşacaq.
XİN rəhbərləri münaqişələrin - Ermənistan - Azərbaycan Dağlıq Qarabağ, gürcü - osetin və gürcü - abxaz münaqişələrinin, həmçinin, Dnestryanı münaqişəsinin nizamlanması üzrə gələcək qarşılıqlı fəaliyyəti nəzərdən keçirmək niyyətindədirlər - GUAM-ın Baş katibi Valeri Çeçelaşvili cümə axşamı Kiyevdən telefonla Trend - a bildirib. GUAM Milli Koordinatorları noyabrın 20 - 21 - də Kiyevdə XİN rəhbərlərinin görüşünün gündəliyini müzakirə ediblər.
GUAM ərazisində bir neçə həlledilməmiş münaqişə mövcuddur - Abxaziya və Cənubi Osetiyanın müstəqilliyin alınması barədə Gürcüstana iddialarından irəli gəlmiş gürcü - abxaz və gürcü - osetin münaqişəsi; Ermənistanın Azərbaycana ərazi iddiaları zəmnində yaranmış Dağlıq Qarabağ münaqişəsi. Dnestryanıdakı münaqişə isə, SSRİ - nin dağılmasından sonra - Kişinyovdakı radikalların Moldovanın Rumıniyaya birləşdirilməsinin mümkünlüyü barədə bəyanatlarından qorxmuş Dneprin sol sahilindəki bir neçə rayon Dnestryanı Moldova Respublikasının yaradılmasını elan etdikdən sonra meydana çıxıb. Moldova belə qərarla razılaşmayıb və tanınmamış respublikaya qoşun yeritməyə çalışıb və nəticədə münaqişə yaranıb.
GUAM-ın formatı 1997- ci ildə Strasburqda Avropa İttifaqının dövlət başçılarının Sammiti zamanı postsovet dövlətləri tərəfindən yaradılıb. 1999 - cu ildə Özbəkistan bu formata daxil olsa da, dörd il sonra onu tərk edib. 2006 - cı ildə Kiyevdə ilk sammit zamanı GUAM-ın beynəlxalq təşkilat və "Demokratiya və iqtisadi inkişaf uğrunda təşkilat- GUAM" kimi elan olunması haqda qərar qəbul olunub.
Müəlliflə əlaqə saxlamaq üçün elektron ünvan: [email protected]
