Azərbaycan, Bakı, 28 oktyabr/ Trend , müxbir N.Abdullayeva/ Gürcüstan, Azərbaycan Ukrayna və Moldovanın xarici işlər nazirləri Helsinki görüşünün yekunu üzrə GUAM-ın virtual mərkəzinə mütəşəkkil cinayətkarlıq ilə mübarizədə öz fəaliyyətini fəallaşdırmağa imkan verəcək kriptoqrafik müdafiə haqqında protokol imzalayacaqlar.
GUAM təşkilatı 1997-ci ildə Strasburqda Avropa İttifaqı dövlət başçılarının sammiti zamanı regional əməkdaşlıq məqsədilə yaradılıb, lakin qrum 2005-ci ilədək əməli olaraq fəaliyyət göstərməyib. Son üç ildə keçirilən sammitlərin əsas məqsədi regional münaqişələrin nizamlanması və enerji təhlükəsizliyinin təmin edilməsi üzrə səylərin əlaqələndirilməsindən ibarət olub.
GUAM-ın Baş katibi Valeri Çeçelaşvili cümə günü Kiyevdən telefonla Trend -a bildirib ki, GUAM-ın Xarici İşlər Nazirləri Şurasının iclası ATƏT-in xarici işlər nazirlərinin dekabrın 4-5-də Finlandiya paytaxtında keçiriləcək illik iclasında iştirak çərçivəsində təşkil olunacaq.
Dörd ölkənin xarici işlər nazirinin imzlayacağı bir sıra sənəd təşkilatın Batumidə keçirilən son iclasında GUAM ölkələri prezidentlərinin qəbul etdiyi qərarların icrasına yönəldilib. Çeçelaşvili bildirib ki, bu sənədlər sahə əməkdaşlığını və nəqliyyat sahəsində əməkdaşlığın fəallaşdırılmasını nəzərdə tutur.
GUAM-ın Batumi sammiti iyulun əvvəlində "GUAM Avropanın şərqini birləşdirir" şüarı altında keçirilib. Bu, "Demokratiya və iqtisadi əməkdaşlıq naminə təşkilat - GUAM"ın sayca üçüncü sammitidir.
Məqalə müəllifi ilə əlaqə ünvanı - trend